Höfum alltaf vitað......

Hvað kaninn er klikkaður og illa upplýstur.   Var að lesa frétt þess efnis að þingmenn í BNA vilja banna hvaðlveiðar hverju nafni sem þær nefnast.    Rökin þeirra byggjast á huglægum sjónarmiðum og ekki neinu öðru.  Verst er þó hvað margir hafa hrifist að ruglinu og styðja ógrunduð sjónarmið.   Mynda sér skoðun á forsendum sem ekkert gagn er í. 

Fjöldi fólks sem lætur heillast af tískusjónarmiðum, en veit ekkert hvað það er að tala um.  Aumt!

Golfið

Það er ljóst að Birgir getur og mun gera góða hluti í golfinu á komandi tímabili.   Elja, þolinmæði og viljastyrkur virðist vera hans helstu kostir fyrir utan það auðvitað að vera góður í golfi.    Íþróttin er þannig að lítið má misfarast í leiknum svo niðurstaðan líti heldur slaklega út.   Draumahringir eru sjaldséðir, það þarf ekki nema ein mistök og heildarárangur er fokinn út í veður og vind.  

Í því ljósi ætla ég sérstaklega að hrósa þeim sem skrifar þessa frétt,  hann gerir meira en að koma með tölur, hann er upplýsandi og setur hlutina í samhengi, mér líkar það mjög vel.

Birgir endaði á 12 höggum yfir pari samtals

Þá hafið þið tækifærið!

Það er ekki bara leikskólinn sem býr við kröpp kjör.  Grunnskólinn gerir það einnig.  Það mætti fara mörgum orðum um þá hluti, en í svona bloggfrétt aðeins þetta:       Bætt kjör starfsmanna eru besta leiðin til að bæta og efla skólastigin.   Hvaða vit er a að góður starfsmaður skuli ekki ná nema 260.000 eftir aldarfjórðungs starf. Hvaða vit er að  byrjandi í starfi nái ekki 200.000 í útborguðum launum eftir mánuðinn.   Hvaða vit er að hæla sér af skólastefnu "skóli án aðgreiningar" þegar fjármunir eru ekki látnir fylgja með.   Hvaða vit er í því að trúa stjónmálamönnum þegar þeir tala um kjaramál og kjaradeilur, ja það er ekkert vit því þeir hljóma flestir eins og að kjarasamningar komi af himnum ofan  og komi amk. þeim ekki við.   Sveitastjórnarmenn tala um það sem happ að grunnskólinn skuli hafa verið fluttur á forræði sveitarfélaga,  höfum við hugsað það hvers vegna framhaldsskólakennarar vilja ekki sjá þannig flutning við óbreyttar aðstæður.

Reykjavíkurlistinn getur ef vilji er fyrir hendi leiðrétt kjör þeirra stétta sem innan skólans starfa.  Eftir slíka aðgerð gætu þau með góðri samvisku farið að tala um betri skóla, þroskaðra skólastarf, bjartari framtíð.

Grípið tækifærið núna, sýnið að þið meinið eitthvað með orðum ykkar.  Sýnið mér að þið látið orð og efndir fara saman. 

Nú er tækifærið að standa við stóru orðin. 

Oddný Sturludóttir formaður menntamála í Reykjavík

Sigur er það eina sem gildir!

Sáttur við mitt fólk í golfinu, ósáttur við fréttaflutning hingað til.

Var að hlusta á stöðvar ríkis og no. 2.   Þar er fjallað um ótrúlega margar greinar og sagt frá úrslitum og gengi fólks.  Hvorug stöðin ofraði svo mikið sem einu orði að þessari keppni.   Samt er golfið no. 2 á lista yfir vinsælustu greinar og kemur þar á eftir fótboltanum.  Sumar stöðvar senda meir að segja gengi til að fylgjast með hestamannamóti út í löndum.  Ekki eitt högg, hvað þá eitt orð látið falla til upplýsingar um stöðu mála.

Mér líkar þetta ekki,  sú staða hefur verið uppi um margra ára skeið.   Girðið nú í brók og látið svo lítið að fylgja næstvinsælustu íþróttagreininni eftir af ögn meiri myndarbrag!! 

 

Keilir og GKG leika til úrslita um titilinn í Eyjum

Eitt blogg enn - vegna þín

Ef þú bara vissir hvað ég hef miklar áhyggjur af þér sem íþróttamanni.  Annað hvort ert þú hættur að hafa áhuga á að spila bolta, eða hitt að dómgreindarleysið hefur borið þig ofurliði.   Auðvitað ertu góður en láttu þig ekki dreyma um að toppa þessa gaura sem fyrir eru hjá Barcelona, láttu þér ekki einu sinni detta það í hug eitt augnablik.

Ef þú vilt spila og gleðja okkur veldu þá annað félag!!!!!!!!!!!!  Gerðu það. 

Eiður segist ekki vera á leið til West Ham

Bjóðum henni hingað!

Þetta er auðvitað hið versta mál.  Ég legg til að við landar efnum til söfnunar (td, í kastljósinu), kaupum henni íbúð og tryggjum henni framfærslu til lífstíðar. 

Ég kalla þetta góðverk og um leið snjalla markaðsetningu á landinu.   Hilton er ein af þessum eðalpersónum sem alltaf eru í fjölmiðlum án þess að þurfa að borga auglýsinguna.  Er það ekki líka það sem við viljum.

Málið er augljóst er það ekki? 

París Hilton gerð arflaus?

Fyrirmynd

Ferlegt að sjá þetta fullorðna fólk sem maður mætir hjálmlausu á hjóli.   Skondnara, sorglegra þegar krakkarnir eru með hjálm, konan en karlinn er hjálmlaus.    Ætla í raun ekki að predíka neitt, en bendi hiklaust á öll þau óhöpp stór sem smá sem henda fólk við þessa ágætu iðju að hjóla.   Sjálfur gæti ég vitnað (3 tilvik) um ágæti hjálmsins og gagn sem hann veitir.   Mest um vert er að fullorðnir gangi fram fyrir skjöldu og sýni fordæmi, noti hjálm í hvert eitt sinn sem hjól er notað.  

Það er í þessu eins og svo mörgu öðru að besta forvörnin er fyrirmyndin sem við þeir eldri sýna 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Drífðu þig

Einn af okkar skárri atvinnumönnum lét þau orð falla að hann væri vaxinn upp úr því að verma bekkinn, hann vildi spila og helst spila hvern leik liðs síns.   Þetta voru orð sem mér líkaði, því vil ég halda því fram að Eiður ætti að hugsa sér til hreyfings.  Það getur ekki verið ásættanlegt fyrir jafn hæfileikaríkan mann eins og Eið að sitja á bekknum og bíða þess að 4-5 sem eru á undan í röðinni meiðist eða forfallist með einhverjum hætti.   Þessi ár ættu að vera hátindur ferils hans, en staðan er sú að hann er vart hæfur í landsliðið einfaldlega vegna þess að hann er ekki í leikæfingu.  Sorglegt ef satt er!  Til West Ham eða þess liðs sem hefur þörf fyrir leikhæfileika hans og gerir honum fært að spila í hverri viku.  

Eiður útilokar ekki West Ham

Gjaldkerar

Alveg að truflast út af þessum nútíma gjaldkerum í bankakerfinu!   Undantekningarlaust þá er hluti þeirra einbeittur á skjáinn og afgreiðir viðskiptavininn  með hangandi hendi.   Hef tekið eftir þessu  við öll þau fáu tækifæri þegar ég bregð mér í banka.  Hvað er að gerast?  Þeir (þær) eru angurværir og ótrúlega oft  flissandi í átt að skjánum um leið og þær segja:  "Hvað var það?" Flissa svo pínulítið meira að skjánum.   Hver er kennitalan?  Þær slá hana inn með tilþrifum, eða það hlýtur að vera þegar það tekur heila mínútu að slá inn 10 stafi með þvílíkum látum að mér sýnist kennitalan mín allt í einu vera heil ritgerð.   Svo flissa þær pínulítið meir og brosa við skjánum, líta svo freðnum augum á mig um leið og þær segja: "Takk fyrir, var það nokkuð fleira?".  

Hvar eru þessir gömlu virðulegu gjaldkerar sem maður hélt að réðu öllu peningaveldi heimsins?

Þessir ábúðafullu einstaklingar sem maður trúði fyrir velferð sinni?

 

Vinnuskóli-hvað?

Mikið verið að hjóla um Fossvogsdalinn, Árbæ og Breiðholt.  Ekki fer á milli mála að maður rekst á fjölda hópa Vinnuskólaunglinga.  Dapurt frá því að segja að maður sér þessa krakka nánast aldrei vera að gera neitt, þau liggja þarna innan um einhver verkfæri og afkasta litlu langtímum saman.

Sjaldnast sér maður leiðbeinandann nærri vinnuhópnum.  Ef til vill er þessum krökkum vorkun, er kennslan, leiðbeiningin hvatningin nægjanleg?

Fyrir hefur komið að viðtöl birtast í blöðum við forstöðukonu Vinnuskóla Reykjavíkur, þar ræðir hún um dugnað, hvað reynt sé að lífga upp á starfið og gera það gleðilegt með margvíslegum uppákomum.  Hún talar um þjarka, Græna heri eða eitthvað álíka.  Eins og málið snýr að mér þá vantar mikið upp á að krökkun sé kennt að vinna, að vinnusiðferði sé byggt upp hjá þeim.

Áttum okkur á því að fjölmargir unglingar eru að kynnast launavinnu fyrsta sinni í Vinnuskólum.   Teljum við það ásættanlegt að þeir dundi sér heilu dagana við svo sem ekki neitt nema láta tímann líða?

Er nóg að skrifa fagrar skýrslur og gefa digrar yfirlýsingar?