Aftur hvalur, en ekki Bónus

Sat í bílnum og hlustaði á fréttir, meðan ég beið eftir að fyrirvinnan mín kláraði síg og kæmi heim.

Frétt um að öll helstu náttúruverndarsamtök könnuðust ekki með nokkrum hætti við þá fullyrðingu Baldvins kynningarstjóra Íslands (út í henni Ameríku!) að fyrir liggji að vaða af stað með herferð gegn okkur mörlöndum.

Þetta er í annað sinn á stuttum tíma sem leiðrétta þarf Baldvin.   Fyrir stuttu var haft eftir honum að einhverjar keðjur ætluðu að hætta sölu á ísl. landbúnaðarafurðum.

Hver var sannleikurinn?   Aldrei staðið til að hætta sölu, en auglýsingum mundi ef til vill fækka.

Er nokkur furða þótt maður sé farinn að halda að öfgasinnaðir friðarsinnar séu hreinlega farnir að búa til fréttir, lauma inn ósannindum hér og þar til að styðja sínar þröngu skoðanir.

Ætlum við nokkuð að láta undan tískuhugmyndum atvinnumótmælenda???

 

Hvalveiðar og Bónus

Ekki hef ég verið hópi þeirra sem hafa haft horn í síðu Bónus-manna.   Það er nú samt þannig að nú verð ég að lýsa megnri óánægju minni með þá.   Hvað kemur þeim eiginlega við, þetta með hvaðveiðar okkar.   Þeir skulu einbeita sér að sínu og láta aðra hluti vera.  

Lífið er þannig  að ef þú egnir einhvern upp á móti þér á einu sviði, þá kemur annar með þér.

Það er bara ekki hægt að vera eltast við tískuskoðanir kaffihúsapostula allra landa.

Við getum ekki látið forheimskandi sjónrmið ráða ferðum, vinnum á móti þeim.  

Margir þeirra sem eru á móti hvalveiðum, vita oft á tíðum ekki neitt um eðli málsins.   Mikið af þessu liði er matað af atvinnumótmælendum. 

Er það ekki fulllangt gengið að kenna hvalveiðum um fall nýlon hópsins um nokkur sæti á vinsældalista.  

Hvað er að fólki eiginilega?????????????'

 

Wright_Phillips

Ef þetta er að ganga upp þá eru þetta frábær tíðindi.  

Trúlega mikil fengur fyrir Eggert og Hamrana, ekki síður fyrir okkur fotboltabullurnar að fá þennan snylling aftur á völlinn og vita af honum á fullu í hverjum einasta leik.

'Eg er að meina, þetta lán hans að losna hugsanlega frá rugludallinum á Brúnni,  Mr M.

 

 

Wright-Phillips klár fyrir West Ham?

Konur í stjórnunarstöður

Það var nýlega orðað og ekki í fyrsta sinn að nauðsyn bæri til að fjölga konum í stjórnunarstörfum. 

Þetta er auðvitað sáraeinfalt og eðlilegt að segja si svona.   Jafnt  af hvoru kyni hvar sem er, það er það sem við öll viljum.

Er þetta ætíð svona einfalt?   Fyrir um ári síðan sótti ég um starf, sem ég fékk ekki.   Útskurðaður hæfur ásamt 6 öðurum af um 30 umsækjendum.   Viðtöl og allur sá pakki.   Löngu áður en ég fór í viðtal var mér tjáð að þetta væri meiri tímaeyðslan hjá mér, starfinu væri þegar úthlutað (nafn nefnt)!?

Ekki trúði ég því, fór í viðtal.   Sú sem sannanlega réði í stöðuna forfallaðist og var ekki viðstödd.   Viðtalið fór fram og allt leit vel út, þeir kvöddu mig með þeim örðum að lang líklegast að ég yrði kallaður aftur til viðtals og þá þannig að sú valdamikla væri viðstödd og gæti spurt þeirra spurninga sem hún vildi.

Ég beið, svo kom símtal.   Sæll búið er að ráða í stöðuna......  var ráðin.  Þakka áhuga þinn á starfinu.

Sú sem réði, talaði ekki orð við mig, aldrei hvorki fyrr né síðar,  hafði heldur ekki samband við meðmælendur mína, en réði þá sem áður var nefnd.

Nú halda sumir að etv. sé ég sár lúser -  það er of einföld skýring. 

En ég spyr þá á móti,  hver er forsenda svona ráðningar?  Pilsfaldalýðræði kanski?

Hvenær er jafnrétti?

Skólinn að byrja...

Ef talað er við kennara með reynslu, þá er nánast án undantekningar sagt frá því hversu skólasamfélagið og skólastarfið hefur tekið miklum breytingum, þó ekki sé litið meir en tíu ár til baka.  

Ekki ætti það að koma  mikið á óvart í sjálfu sér, samfélagið í heild sinni er allt annað en fyrir áratug eða svo.    Kennarar tala oft um hversu miklu erfiðara sé að halda uppi aga, halda þeirri ró sem nauðsynleg er til að góð kennsla geti átt sér stað.   Mér heyrist að það teljist til algerra undantekninga ef bekkur (20-30 manna), sé svo vel stemdur að ganga megi að því sem vísu að markvist og gott starf fari fram í hverjum tíma.  Kennarar telja sig vera í erfiðu starfi og oft sé glíma við erfiða einstaklinga nánast svo niðurdrepandi og um leið hamlandi á gott og gefandi starf að óþolandi sé.

Á seinustu árum hefur svo nefndum greiningum  af ýmsu toga fjölgað til muna.  Nemendur eru með lesblindu, ofvirkni, raskanir í mörgum flokkum,  þetta og hitt er að!  Allt er útskýrt með einhverjum hugtöku og leiðsögnin - "það verður bara að finna réttu leiðina."  Þessi rétta leið er bara svo oft torfundin, og þó hún finnist, þá reynist hún ófær af öðrum ástæðum. 

Óþekkt og skortur á uppeldi eru óvísindaleg hugtök og ekki notuð, nema í þröngum skotum af uppgefnum starfsmönnum.  ('Ottast að hugtakið óþekkt" sé að hverfa úr málinu).

Oft heyrist sagt að 95% af orku kennara fari í glímu við 5% nemanda.   Hvað er til ráða?  Skóli án aðgreiningar er víst lausnarorð dagsins í dag.   Skóli án aðgreiningar merkir í raun, allir, já allir skulu inn í einn skóla, sama bekk, alveg sama hverjar aðstæðurnar eru.   Líka þeir sem fara bekk úr bekk og ekki lært neitt, ekki opnað  bók í áravís. Ótrúlega margir  sem virðast ekki hafa bakland heima við sem hefur metnað, þor eða getu til að uppfylla þá skyldu (er rituð í einhverjum lögum) að  þroska og veita nemandum þann  skilning sem nauðsynlegur er til að geta verið hluti af stærri heild (bekk).

Vandamál?  Það er oftar en ekki hlaupið á bak við greiningar.   Stundum (oft) eru þær réttmætar.   Þegar greiningar eru virkilega réttmætar, þá er oftast greið leið að vinna með vandann.   Þegar einhver greining er blaður, þá er lausnin ekki í sjónmáli.   Því það er of oft litið fram hjá kjarna málsins, þe. getuleysi sumra heimila til að axla þá ábyrgð sem fylgir því að eiga barn og ala það skilyrðislaust upp.

 

Meira síðar!

Taktu til hendinni!

Það var í haust, rétt eftir kosningar.   Fréttamyndir í sjónvarpi af þessum öðlingum sem stjórna borginni okkar.   Þeir voru búnir að láta búa til húfur fyrir sig, galla og slagorð.   Þeir jafnvel gengu svo langt að tína rusl (vinnu lauk þegar myndavélarnar voru farnar!?) upp í poka og sprauta á veggjakrot.   Þeir fórnuðu sér meir að segja í fréttaviðtal.   Nú skyldi taka til hendinni, borgin yrði fögur sem forðum.   Allt rusl af götum, almenningur upplýstur um dásemdir þess að lifa og hrærast í snotru umhverfi.   Þeir ætluðu að halda áfram!   Hvar eru þeir núna?  

Hef verið að þvælast hjólandi og gangandi um hverfið mitt, sýnist það jafn sæmt og í fyrra.

Já og þessu til viðbótar, á göngustígum alveg fljúgandi hálka þegar frost er úti. 

Ekki það að ég telji þá sem stjórnuðu áður einhvað betri. 

Mér er spurn?    Er pólitík sjóvbisnes?

Fálkaorðan?

Sá árlegi atburður að tilnefna fólk í samfélaginu og krossa það í bak og fyrir er núna!  Hvers vegna er þessi siður, eru þessir tilteknu aðilar eitthvað verðugri  en aðrir þegnar þessa samfélags.   Er  ekki þarna á ferð sama hugmyndfræðin og þegar stjórnmálamönnum, herforingjum og þess háttar fólki er hossað fyrir ýmsa hluti sem eiga sér stað í samfélaginu.   

Hverjir eru raunverulegir gerendur hluta, hverjir marka spor, hverjir eiga hrós skilið?  

Fálkaorðan er þannig að vinir frægra Íslendinga senda bréf með upptalnigu á ágæti þess sem þeir ætla að tilnefna.  Bréfið lendir í höndum   einhverrar nefndar.    Digur upptalning,  orðum hann! 

Skoðið ástæður og rökstuðning fyrir því að þessir útnefndu aðilar fái þessar orður!

Spyrjið ykkur sjálf hvort ýmsir óþekktir, venjulegir launamenn geti ekki með sama hætti verð ámóta hreyfiafl og þessir tilnefndu.   Ég held að svo sé.

Leggjum af svona gamalt og lúið form að draga  fólk í dilka með þessum hætti.  

Ég og þú erum rétt eins merkileg og þetta orðaða fólk.   Við eru bara ekki í snobblagi samfélagsins.

 

 

Fjórtán sæmdir fálkaorðunni í dag

Tvö mörk

Nýtt ár, nýr dagur  -  Ekki alltaf sem þetta tvennt fer saman.   Horft út í dásamlegt veðurlag borgarinnar og lítur um leið öll óþrifin á götunum.   Sáttur samt, því sýningin í gær var frábær.  Við munum taka til síðar í dag. 

Enski boltinn farinn að rúlla  tvö mörk komin, og það ekki neitt slor mörk.   Púllarar allra landa geta glaðst,  Krádsinn og Gerard skoruðu líka þessi glæsilegu mörk.  Meira að segja ég sem aldrei hef haldið með þessu liði er hrifinn.

Hvað gera svo Hamrarninr í dag, binda þeir hnútinn fast og gera eitthvað?

Biskupinn okkar skoraði hjá mér, amk. hvað varðar viðhorf hans til aftöku Saddams.

Um það mál hef ég skrifað áður.

Skaupið?

Efri vörin lyftist 5 sinnum - lítillega - meðan á skaupinu stóð.  Þó var ekki hægt að segja það lélegt, því þá væri ég sennilega dauður.

Gleðilegt ár!

Er það að gerast aftur........

Þegar gera þarf hluti með trukki og dýfu, þá erum við íslendingar mjög góðir.   Sameinaðir stöndum vér og gerum oft á tíðum góða hluti undraskömmum tíma.

Umræðan um Birgið er komin út á einkenilega stigu.  Það er eins og það gleymist að innan veggja þessarar stofnunar er hóðpur af ógæfusömu fólki.  

Svo mikið veit ég að margir hafa öðlast nýtt líf með því að njóta handleiðslu þess fólks sem þar hefur starfað.   Hvorki nú né áður ætla ég að dæma í því máli sem er upp á borðum.   Þekki ekki til aðstæðna þannig.  

Nú sýnist mér það vera að gerast að einn maður (ríkisendurskoðandi) lætur það sjónarmið í ljósi að best sé að fresta greiðslum til Birgisins.   Ráðherra ætlar víst að hlýða kallinu.   Hvað er að okkur?! Muni þetta nokkurn tíma ganga fyrir sig svona í öðrum og umdeildari málum?  Kæmu ekki yfirlýsingar: - Þurfum að skoða málið betur, ekki hægt að vera  með geðþóttaákvarðanir,  látum stofnuna njóta vafans,  hugum að þeim sem eru þolendur -  eitthvað í þessum dúr eru mál gjarnan toguð og teygð.  

Núna!  Einn maður talar og allt er stoppað, er það ef til vill vegna þess að ráðherra haldi að þetta sé átaksmál og vinsælt að vera töff og grípa til aðgerða.

Svo þessi aðferð að baða sig í fjölmiðlum, sýna ekki þá einföldu kurteisi að tilkynna þeim er málið varðar hvað sé að gerast áður en vaðið er af stað.

Sveiattan!

Forstöðumaður Byrgisins vissi ekki að greiðslur hafi verið stöðvaðar