Einstaklings miðað nám..

Tvö hugtök hafa tröllriðið umræðu í skólamálum seinustu árin.   Ekki er neinn maður með mönnum nema hann geti sagt "EINSTAKLINGS MIÐAÐ NÁM"  og "SKÓLI ÁN AÐGREININGAR".   Hvað er þar á ferð?  Náðarmeðul skólakerfisins eða eitthvað annað?  

Það þarf lengri grein en hér birtist til að skapa gagnlea umræðu.   Hef í huga að koma að þessum málum í töluvert mörgum bloggum á nætu mánuðum.

Hugtakið sem notað er í fyrirsögn, gefur til kynna að nám sé sniðið að þörfum hvers og eins.  Er það svo?   Auðvitað er það ekki þannig, ef laga ætti nám að þörfum hvers og eins þá þyrfti að fjölga svo í kennarastétt að hver kennari hefði ekki mikið meira en 5 nemendur á sinni könnu.   Það er nefnlega meir en að segja að nám sé einstaklingsmiðað.   Færni, geta, áhugi er á svo breiðu sviði, að vart er hægt að mæta óskum allra.  Hugsunin er samt fallleg! 

Hugtakið er runnið inn í ísleskt skólakerfi undan rótum Gerðar fyrrverandi fræðslustjóra Reykjavíkur.   Skólaþróun hefur snúist um þetta hugtak og verið dásamað sem helsta framfaraspor  á seinni tímum.   Sérstaklega eru þeir sem voru í meirahluta hér í borg duglegir við að hampa þessu á mannamóum og telja sér til tekna.   Núverandi meirihluti virðist ætla að gera það líka.

Til að þetta verði að einhverju öður en klisju og íþyngjandi hlutum fyrir kennara, þá verður að stórauka fjármagn til skólanna.  

Það verður að viðurkennast  að breyting á sér ekki stað með fjasi stjórnmálamanna, undir sjálflægum skálaræðum þeirra.

Athugasemdir

[Ólafur Örn Nielsen, 29.12.2006 kl. 16:05]

Það má nú meðal annars byrja á því að aflétta ýmsum reglugerðum sem steypa öllum í sama mót í skólakerfinu. Skólarnir starfa eftir stífri skólanámskrá sem veitir þeim lítinn sveigjanleika til að veita einstaklingsmiðað nám. Það er ódýrt að benda alltaf á fjármagnið.

[Sigmar Hj, 29.12.2006 kl. 16:52]

Sammála þér Ólafur, það má byrja á að aflétta reglugerðum. Það breytir ekki því að ef við viljum mæta einstaklingum eins og hann er, þá verðum við að hafa mannskap innan skólans þannig að hver og einn fái það sem honum ber.  Hefur þú velt því fyrir þér á hven hátt þessi stefna um einstaklingsmiðað nám er framkvæmd?